Back to Blog
#CLI#terminal#bash#CMD

Command line practice

7/19/2026 32 views

السلام عليكم ورحمة الله وبركاته

اليوم زي ما وعدتكم حنتكلم عن واجهة سطر الأوامر (CLI).بشكل عملي

لكن قبل ما نبدأ في الأوامر، خلونا نفهم الفرق بين المصطلحات البتجوط على ناس كتار.

أولا شنو الفرق بين terminal, bash, CMD & PowerShell

1. Terminal

الـ Terminal هو البرنامج البتفتح فيهو سطر الأوامر. يعني مجرد واجهة، وما عندو أوامر خاصة بيهو.

أمثلة:

Windows Terminal

Cmder

GNOME Terminal

يعني تقدر تشبهو بالمتصفح، لكن بدل ما يعرض صفحات ويب، بعرض ليك واجهة تكتب فيها أوامر.

2. CMD

دا سطر الأوامر العادي في ويندوز، موجود من زمان. تابع لي نظام دوز DOS تقريبا 🙂.

من أشهر أوامرو:

dir cd copy del

خفيف وسريع، لكن إمكانياتو محدودة مقارنة بالخيارات الحديثة. يعني حق شفع باختصار.

3. PowerShell

دا الإصدار المتطور من CMD. للمكنات 🥲.

الفرق الأساسي إنو PowerShell ما بيتعامل مع النصوص بس، لكن بيتعامل مع Objects، ودا بخليهو أقوى في إدارة النظام وأتمتة المهام.

أمثلة:

Get-ChildItem Get-Process Stop-Process

4. Bash

ودي أشهر Shell في لينكس، وهي اللغة البتلقى معظم شروحات البرمجة والخوادم بتستخدمها.

من أشهر أوامرها:

ls pwd mkdir rm cp mv cat grep find

ولو بتتعلم Docker أو Git أو Node.js أو Java أو أي تقنية Backend، غالباً حتتعامل مع Bash بشكل يومي.

طيب شنو هو Cmder؟

Cmder عبارة عن Terminal مجاني لويندوز، لكن المميز فيهو إنو بيسمح ليك تستخدم أكتر من Shell من مكان واحد، زي:

  • CMD

  • PowerShell

  • Git Bash

يعني بدل تتنقل بين برامج مختلفة، كل شغلك بيكون في نافذة واحدة.

أنا شخصياً بنصح أي مبرمج ويندوز يستخدمو، لأنو بخليك تتعود على بيئة قريبة جداً من لينكس بدون ما تغير نظام التشغيل.

كيف تتعلم الـ CLI؟

أكبر غلطة إنك تحفظ الأوامر.

الأفضل إنك تستخدمها يومياً.

بدل تفتح مجلد بالماوس، استخدم:

cd

بدل تعمل فولدر جديد:

mkdir

بدل تنقل ملف:

mv

مع الوقت حتلقى يدك بقت أسرع من الماوس.

أشهر أوامر Bash

التنقل بين الملفات

pwd ls cd cd .. clear

إدارة الملفات والمجلدات

mkdir touch cp mv rm rmdir

قراءة الملفات

cat head tail less

البحث

find grep

الصلاحيات والعمليات

chmod sudo ps kill

أوامر Git

git init git add . git commit git push git pull git branch git checkout

أوامر Node.js وJava

npm install npm run dev mvn spring-boot:run javac Main.java java Main

لو إنت جديد على الـ CLI، حاول لمدة أسبوعين تعمل أي حاجة تقدر تعملها من الطرفية بدل الماوس.

في البداية الموضوع حيكون بطيء، لكن بعد فترة حتكتشف إنك بقيت أسرع، وفهمك للنظام بقى أعمق، ودي من المهارات الأساسية لأي مطور محترف.

في المنشور الجاي إن شاء الله حنبدأ نتعلم أوامر Bash عملياً، أمر أمر، مع أمثلة واستخدامات حقيقية في المشاريع.

#يوميات_مبرمج #برمجة #cli #terminal #bash